4kNews कामोठे
पनवेल शहर पोलिसांची कारवाई; दुसऱ्या आरोपीचा शोध सुरू
पनवेल, दि. 23(संजय कदम) : पनवेल कापड बाजारातील महालक्ष्मी मेटल मार्टमधून ३० हजार रुपये किमतीच्या दोन मोठ्या पितळी समयांची चोरी केल्याप्रकरणी पनवेल शहर पोलिसांनी एका आरोपीला अटक केली आहे. अर्जुन गायकवाड (वय ३५, रा. अंबरनाथ) असे अटक केलेल्या आरोपीचे नाव असून, त्याच्या दुसऱ्या साथीदाराचा शोध सुरू आहे.
या प्रकरणी पनवेल शहर पोलीस ठाण्यात भारतीय न्याय संहितेच्या कलम ३०३(२) अन्वये गुन्हा दाखल करण्यात आला आहे. अटक केलेल्या आरोपीला न्यायालयात हजर केले असता, २१ ऑक्टोबरपर्यंत पोलीस कोठडी सुनावण्यात आली.
वरिष्ठ पोलीस निरीक्षक बाळा कुंभार यांच्या मार्गदर्शनाखाली पोलीस उपनिरीक्षक हजरत पठाण आणि त्यांच्या पथकाने ही कारवाई केली. पथकात पोलीस नाईक अनिल चव्हाण, पोलीस शिपाई साईनाथ मोकल, अभिजित गडकरी, दत्ता जाधव, सचिन कोर तसेच महिला पोलीस शिपाई भगत आणि सवार यांचा समावेश होता.
