4kNews
पनवेल दि. १० ( संजय कदम ): शहरातील वडाळे  तलावासह व्हि. के . हायस्कुल परिसरात हुल्लडबाजी करणाऱ्या तरुणांविरोधात आज पनवेल  शहर पोलिसांच्या विशेष पथकाने धडक कारवाई केली आहे .  

वडाळे  तलावासह व्हि. के . हायस्कुल परिसरात  अनेक तरुण दुचाकी ,चार चाकी वाहने घेऊन हुल्लडबाजी करित असतात . याचा नाहक त्रास या भागातील शालेय विद्यार्थांसह परिसरातील नागरिकांना होत होता . याबाबत अनेक तक्रारी पनवेल शहर पोलीस ठाण्याचे वरिष्ठ पोलीस निरीक्षक नितीन ठाकरे यांच्याकडे विविध राजकीय पक्ष तसेच सामाजिक संघटना यांनी केल्या होत्या . या तक्रारीच्या आधारे आज वरिष्ठ पोलीस निरीक्षक नितीन ठाकरे यांच्यासह पो.नि. अभंग व विशेष पथकाने आज या भागात धडक कारवाई करत ल्लडबाजी करणाऱ्या तरुणांना चांगलाच धडा शिकविला  . त्यामुळे त्यांची चांगलीच पळती भुई झाली . या कारवाईचे परिसरातील नागरिकांनी समाधान व्यक्त केले असून या पुढे सुद्धा अश्या प्रकारे कारवाई सुरूच ठेवण्यात येईल अशी माहिती वरिष्ठ पोलीस निरीक्षक नितीन ठाकरे यांनी दिली .