4kNews दि. 17
पनवेल : पनवेल महानगरपालिका निवडणुकीच्या पार्श्वभूमीवर राष्ट्रवादी काँग्रेस पक्षाने कंबर कसली असून पक्षाच्या कार्यकर्त्यांची एक महत्त्वपूर्ण बैठक नुकतीच पनवेलमध्ये पार पडली. या बैठकीत आगामी निवडणुकीच्या रणनीतीवर सविस्तर चर्चा करण्यात आली.
प्रदेशाध्यक्ष मा. खासदार सुनील तटकरे यांनी भारतीय जनता पक्षासोबत युती करून पनवेल महानगरपालिका निवडणूक लढवण्याचा निर्णय घेतल्याची माहिती यावेळी देण्यात आली. तसेच युतीच्या माध्यमातून समन्वय साधून काम करण्याच्या स्पष्ट सूचना पक्षाच्या कार्यकर्त्यांना देण्यात आल्या. 

दरम्यान, भारतीय जनता पक्षाचे नेते व पनवेलचे आमदार प्रशांत ठाकूर यांच्याशी चर्चा करण्यासाठी माजी नगरसेवक तथा जिल्हा समन्वयक शिवदास कांबळे व पक्षाचे इतर पदाधिकारी प्रयत्नशील असल्याचे सांगण्यात आले.
महाराष्ट्र राज्याच्या महिला व बालविकास मंत्री मा. ना. आदितीताई तटकरे यांच्या कुशल मार्गदर्शनाखाली समाजातील सर्व घटकांना सामावून घेत राष्ट्रवादी काँग्रेस ही निवडणूक लढवणार असून महिला व युवकांना विशेष प्राधान्य देण्यात येणार असल्याचे यावेळी स्पष्ट करण्यात आले.
या बैठकीमुळे पनवेल महानगरपालिका निवडणुकीसाठी राष्ट्रवादी काँग्रेसची तयारी वेग घेत असल्याचे चित्र दिसून येत आहे.