4kNews कामोठे दि. 12
नेरूळ सेक्टर २ येथील आदर्श सोसायटीत शनिवारी सायंकाळी ५ वाजण्याच्या सुमारास लिंबाजी नेटके यांच्या ई/०१/०८/ए-०५ या निवासस्थानातील हॉलचे प्लास्टर अचानक कोसळले.
या घटनेत सोफा आणि फर्निचरचे नुकसान झाले. घरात उपस्थित असलेल्या नेटके यांच्या पत्नी व मुलीच्या अंगावर प्लास्टरचा काही भाग पडला, मात्र सुदैवाने त्यांना कोणतीही दुखापत झाली नाही. घराचा स्लॅब देखील डळमळीत झाला असून, तो कोसळण्याची भीती व्यक्त केली जात आहे.
