4kNews कामोठे
पनवेल, दि.30 (वार्ताहर) : पनवेल शहर पोलीस ठाण्याचे वरिष्ठ पोलीस निरीक्षक नितीन ठाकरे यांची सहाय्यक पोलीस आयुक्त (एसीपी) पदावर पदोन्नती झाल्याने पोलीस दलासह सामाजिक व राजकीय क्षेत्रातून त्यांच्यावर अभिनंदनाचा वर्षाव होत आहे.

या निमित्ताने कोंकण म्हाडाचे सभापती बाळासाहेब पाटील तसेच आमदार विक्रांत पाटील यांनी नितीन ठाकरे यांची भेट घेऊन पुष्पगुच्छ प्रदान करत त्यांचा सत्कार केला. यावेळी त्यांनी ठाकरे यांना पुढील कारकिर्दीसाठी शुभेच्छा देत त्यांच्या उल्लेखनीय कार्याचे कौतुक केले. पनवेल शहर पोलीस ठाण्यात कार्यरत असताना नितीन ठाकरे यांनी कायदा व सुव्यवस्था अबाधित राखणे, गुन्हेगारीवर प्रभावी नियंत्रण ठेवणे तसेच अंमली पदार्थविरोधी आणि सायबर गुन्हेगारीविषयी जनजागृतीसारखे विविध उपक्रम यशस्वीपणे राबविले. त्यांच्या कार्यक्षम नेतृत्वाची आणि सेवाभावाची दखल घेत त्यांना सहाय्यक पोलीस आयुक्तपदी पदोन्नती देण्यात आली आहे. त्यांच्या या यशाबद्दल पोलीस अधिकारी, कर्मचारी, लोकप्रतिनिधी तसेच नागरिकांकडून अभिनंदन करण्यात येत असून त्यांच्या पुढील वाटचालीसाठी शुभेच्छा व्यक्त केल्या जात आहेत.