4kNews कामोठे 17
शिवसेना (उद्धव बाळासाहेब ठाकरे) देवद शाखा यांच्या वतीने आयोजित दहावी व बारावी गुणवंत विद्यार्थ्यांचा सत्कार समारंभ उत्साहपूर्ण वातावरणात पार पडला.
या कार्यक्रमास रायगड जिल्हाप्रमुख श्री. दीपक निकम, महानगरप्रमुख ॲड. समाधान काशीद, विभागप्रमुख श्री. विशाल भोईर, डॉक्टर सेल उपाध्यक्ष, महाराष्ट्र राज्य डॉ. आशिष भांदेकर, उपविभागप्रमुख श्री. पाखरे तसेच शिवसेनेचे इतर पदाधिकारी, कार्यकर्ते, विद्यार्थी व पालक मोठ्या संख्येने उपस्थित होते. 

यावेळी दहावी व बारावी परीक्षेत उत्तीर्ण होऊन उल्लेखनीय यश संपादन केलेल्या गुणवंत विद्यार्थ्यांचा शाल, पुष्पगुच्छ व सन्मानचिन्ह देऊन सत्कार करण्यात आला. विद्यार्थ्यांच्या यशाचे कौतुक करत त्यांच्या पुढील शैक्षणिक वाटचालीसाठी मान्यवरांनी शुभेच्छा दिल्या.
विद्यार्थ्यांनी मिळवलेले यश हे त्यांच्या मेहनतीसोबतच पालक व शिक्षकांच्या योगदानाचेही फलित आहे. गुणवंत विद्यार्थ्यांचा गौरव करून त्यांच्या पाठीवर कौतुकाची थाप देणे आणि त्यांना पुढील वाटचालीसाठी प्रोत्साहन देणे, हा या कार्यक्रमामागील मुख्य उद्देश होता.
कार्यक्रम उत्साहपूर्ण वातावरणात संपन्न झाला.