पनवेल, दि.27 (संजय कदम) ः गांजा हा अंमली पदार्थ जवळ बाळगल्याप्रकरणी एका इसमाविरोधात पनवेल शहर पोलिसांनी कारवाई केली आहे.
पनवेल रेल्वे स्टेशन रोडवरील साईबाबा मंदिराच्या बाजूला चिरंजीत पहाडी (42 रा.कळंबोली) हा तळाहातावर हिरवट मळकट रंगाची पाने फुले असलेला गांजा हा अंमली पदार्थ त्याच्या हाताच्या अंगठ्याच्या सहाय्याने मळून मळालेला पाला मातीच्या चिलीममध्ये भरुन जळत्या काडीने पेटवत असताना
पनवेल शहर पोलीस ठाण्याचे वपोनि नितीन ठाकरे यांच्या मार्गदर्शनाखाली सपोनि प्रकाश पवार व पो.शि.विशाल दुधे आदींच्या पथकाने सदर इसमाला ताब्यात घेवून त्याच्या विरुद्ध अंमली पदार्थ विरोधी कायदा 1985 चे कलम 8 (क), 27 अन्वये कारवाई केली आहे.
