पनवेल, दि. २८ जुलै (4K समाचार)
पनवेलकर प्रवाशांसाठी आजचा दिवस आनंददायक ठरला, कारण पनवेल एस.टी. आगारात नवीन अत्याधुनिक बसेस दाखल झाल्या असून, या बसेसचे लोकार्पण पनवेल महानगरपालिकेचे विरोधी पक्षनेते मा. प्रीतम जनार्दन म्हात्रे यांच्या हस्ते नारळ फोडून करण्यात आले.

या उपक्रमामुळे पनवेलमधील सार्वजनिक वाहतूक अधिक सुरक्षित, सोयीस्कर आणि आधुनिक होणार आहे. प्रवाशांच्या आवश्यकतेनुसार विविध सुविधांनी सज्ज अशा या बसेस नागरिकांच्या सेवेसाठी सज्ज झाल्या आहेत.

या लोकार्पण कार्यक्रमाला प्रमुख उपस्थिती लाभली होती
मा. नगरसेवक श्री. गणेश कडू,
मा. नगरसेविका सौ. प्रीती जॉर्ज,
मा. नगरसेविका सौ. सारिका भगत,
परिवहन विभागीय वाहतूक अधिकारी श्री. अमित गिरमे,
वाहतूक अधिकारी श्री. ज्ञानेश्वर म्हात्रे,
पनवेल आगार व्यवस्थापक सौ. अश्विनी फाळके,
श्री. संजय पाटील आणि इतर कर्मचारी वर्ग.

या बसेस मिळवण्यासाठी पनवेलचे आमदार मा. प्रशांत ठाकूर आणि आमदार विक्रांत पाटील यांच्या सततच्या पाठपुराव्याचे फलित आज प्रत्यक्षात उतरले आहे.
प्रमुख नेत्यांच्या मार्गदर्शनाखाली प्रगतीचा नवा अध्याय –
महाराष्ट्राचे मुख्यमंत्री मा. देवेंद्र फडणवीस, उपमुख्यमंत्री मा. एकनाथ शिंदे व मा. अजित पवार, तसेच परिवहन मंत्री मा. प्रताप सरनाईक आणि राज्यमंत्री मा. माधुरी मिसाळ यांच्या मार्गदर्शनाखाली ही योजना साकारली गेली.

🔹 प्रीतम जनार्दन म्हात्रे यांनी यावेळी सांगितले, “पनवेलकर नागरिकांसाठी ही सुविधा म्हणजे एक नवा प्रवासाचा अध्याय आहे. ही आधुनिक वाहतूक व्यवस्था भविष्यात आणखी विस्तारली जाईल.”