4kNews कामोठे
पनवेल, दि.12 (वार्ताहर) ः पनवेल परिसरासह प्रभाग 14 मधील विजेच्या समस्या संदर्भात आज महाविकास आघाडीच्या नगरसेवकांनी व पदाधिकाऱ्यांनी वीज वितरण कार्यालयात धडक देवून संबंधित अधिकाऱ्यांना जाब विचारला.

यावेळी स्थानिक नगरसेवक केतन भगत, लतिफ शेख, नगरसेविका कु.आर्या प्रवीण जाधव, मनिषा म्हात्रे, शिवसेना शहरप्रमुख प्रवीण जाधव, अनंत म्हात्रे, कडू, मयुरेश पाटील यांनी वीज वितरण कंपनीचे अधिकारी अमित पवार यांची भेट घेवून त्यांच्या समोर पनवेल मधील विजेच्या समस्या सोडवण्या संदर्भात चर्चा केली. तसेच छोटा खांदा. साई नगर. बावन बंगला. मोहल्ला. पनवेल मध्ये. उघडे . केबल लटकत असतात. छोटा खांदा आकडे  लावणे असे अनेक विषयावर चर्चा करण्यात आले. सदर चर्चा समाधानकारक ठरून येत्या 10 दिवसात कारवाई करण्याचे आश्वासन अधिकारी अमित पवार यांनी उपस्थितांना दिले.