4kNews कामोठे दि. 28
पनवेल/प्रतिनिधी — महाराष्ट्र राज्य ग्रामपंचायत अधिकारी युनियन डी एन ई (१३६) जिल्हा शाखा रायगडच्या नवीन अध्यक्ष निवडीसह इतर रिक्त पदांसाठी रविवारी २६ जुलै पेण येथील ग्रामसेवक सहकारी पतसंस्थेत विशेष सभेचे आयोजन करण्यात आले होते. या सभेमध्ये जिल्हाध्यक्ष पदासह संघटनेच्या सर्वच्या सर्व रिक्त पदांची निवड पूर्णपणे बिनविरोध करण्यात आली.
जिल्हा कार्यकारिणी, तालुका पदाधिकारी आणि जिल्ह्यातील प्रमुख मान्यवरांच्या उपस्थितीत ही बैठक पार पडली. अत्यंत खेळीमेळीच्या वातावरणात आणि सर्वांच्या एकमताने नवीन पदाधिकाऱ्यांची निवड निश्चित करण्यात आली. यामध्ये जिल्हाध्यक्ष पदाची जबाबदारी संतोष धर्मा पवार यांच्याकडे सोपवण्यात आली आहे. नवनियुक्त रायगड जिल्हा कार्यकारिणी अध्यक्ष संतोष धर्मा पवार, उपाध्यक्ष उमाजी माडेकर, महिला उपाध्यक्ष रेश्मा ठाकूर, सचिव जितेंद्र म्हात्रे, कार्याध्यक्ष सुशांत चिले, सहसचिव अमोल तांबडे, कोषाध्यक्ष श्वेता कदम, संघटक मयुर प्रकाश कारखानीस, महिला संघटक गुलाब म्हात्रे, कायदे सल्लागार गणेश गायकर, प्रसिद्धी प्रमुख प्रचित मसाल लेखापरीक्षक रुपम गावंड, कौन्सिलर (सल्लागार)अनिल पवार, नरेंद्र यशवंत, सुदिन पाटील, योगिता पलंगेया या निवडीनंतर जिल्ह्यातील सर्व ग्रामसेवकांनी नवनियुक्त पदाधिकाऱ्यांचे जाहीर अभिनंदन केले असून, नवीन कार्यकारिणी संघटनेच्या प्रलंबित मागण्या आणि हितासाठी जोमाने काम करेल असा विश्वास व्यक्त केला आहे.
