4kNews कामोठे
पनवेल, दि. 5 (वार्ताहर) : पनवेल तालुका पोलीस ठाण्याच्या हद्दीतील नेरे येथील शांतीवन परिसरातील राजीव रंजन आधारगृहातून बेपत्ता झालेल्या ६९ वर्षीय वृद्धाचा शोध सुरू असून, त्यांच्याबाबत माहिती असलेल्या नागरिकांनी पुढे येऊन पोलिसांना सहकार्य करण्याचे आवाहन करण्यात आले आहे.

पनवेल तालुका पोलिसांनी दिलेल्या माहितीनुसार, मस्जिद मेहबूब कुरेशी (वय ६९) हे कुष्ठरोग निवारण समिती संचलित राजीव रंजन आधारगृह, शांतीवन, नेरे (ता. पनवेल) येथून बेपत्ता झाले.  बेपत्ता वृद्धाची उंची सुमारे ५ फूट २ इंच, गोरा वर्ण, मध्यम बांधा, पांढरे केस, काळे डोळे आणि गोल चेहरा अशी ओळख आहे. बेपत्ता होताना त्यांच्या अंगात पिवळ्या रंगाचा अर्ध्या बाह्यांचा टी-शर्ट, राखाडी रंगाची हाफ पॅन्ट होती. तसेच गळ्यात काळ्या रंगाचा दोरा व ताईत असल्याचे पोलिसांनी सांगितले. 

या प्रकरणाचा तपास पोलीस उपनिरीक्षक विष्णू टोणे करीत आहेत. संबंधित वृद्ध व्यक्तीबाबत कोणालाही माहिती मिळाल्यास तात्काळ पनवेल तालुका पोलीस ठाणे (६८५९२५४९९२) किंवा पोलीस उपनिरीक्षक विष्णू टोणे (९०९६९१३६७०) यांच्याशी संपर्क साधून पोलिसांना सहकार्य करण्याचे आवाहन करण्यात आले आहे.