4k समाचार दि. 25
पनवेल | आझाद मैदानावर २९ ऑगस्ट रोजी होणाऱ्या मनोज जरांगे पाटील यांच्या नियोजित उपोषणाच्या पार्श्वभूमीवर मराठा मोर्चाच्या नियोजनासाठी नवी मुंबई पोलिसांची महत्त्वपूर्ण बैठक पार पडली.
ही बैठक २१ ऑगस्ट रोजी पनवेलमधील मंथन हॉलमध्ये आयोजित करण्यात आली होती. सहायक पोलीस आयुक्त (पनवेल विभाग) भाऊसाहेब ढोले यांच्या अध्यक्षतेखाली झालेल्या या बैठकीस मराठा मोर्चाचे समन्वयक आणि पदाधिकारी मोठ्या संख्येने उपस्थित होते.
बैठकीत मोर्चाच्या मार्गांबाबत तसेच नियोजन, कायदा व सुव्यवस्था, सुरक्षेचे उपाय आणि शिस्तीच्या दृष्टीने आवश्यक त्या सूचना देण्यात आल्या. मोर्चा सुरळीत व शांततेत पार पाडण्यासाठी पोलिस व पदाधिकाऱ्यांमध्ये सविस्तर चर्चा झाली.
