4k समाचार दि. 10
नवी मुंबई | अल्पसंख्याक आयोग महाराष्ट्र राज्याचे सदस्य मा. हॅप्पी सिंग जी यांच्या वाढदिवसानिमित्त बुधवार, दि. ३ सप्टेंबर २०२५ रोजी सायं. ५.३० वा. भव्य अभिष्टचिंतन सोहळ्याचे आयोजन करण्यात आले. या सोहळ्यात तब्बल १००० ज्येष्ठ नागरिकांचा सत्कार करून सामाजिक बांधिलकीचे उत्तम उदाहरण घालून दिले.
या कार्यक्रमाला आमदार प्रशांत दादा ठाकूर, आमदार विक्रांत दादा पाटील, माजी नगरसेवक नितिन भाई पाटील, बाळासाहेब पाटील, आमदार अविनाश कोळी, आमदार परेश दादा ठाकूर, आमदार प्रीतम दादा म्हात्रे, माजी नगरसेवक गणेश कडू, माजी नगरसेवक विकास घरत, माजी नगरसेवक विजय चिपळेकर आणि ज्येष्ठ नेते उस्मान सिंग सिद्धू आदी मान्यवरांची प्रमुख उपस्थिती लाभली.
विशेष कार्यक्रमांतर्गत श्री. हरमंदिर साहिब दर्शन त्रिप्ती (अमृतसर, पंजाब), अकाळ तख्त दर्शन आणि गुरुद्वारा श्री दमदमा साहिब अशा आध्यात्मिक यात्रांची घोषणाही करण्यात आली.
कार्यक्रमाचे आयोजन सौ. हरजिंदर कौर हॅप्पी सिंग यांच्या मार्गदर्शनाखाली झाले. वाढदिवसानिमित्त समाजहिताच्या विविध योजनांची घोषणा करून उपस्थित नागरिकांना आनंदित करण्यात आले.
या सोहळ्याचे मुख्य आकर्षण म्हणजे भजन-कीर्तन कार्यक्रम, ज्यामुळे संपूर्ण वातावरण भक्तिमय आणि उत्साहपूर्ण झाले होते.
या भव्य कार्यक्रमामुळे परिसरात उत्साह, ऐक्य आणि सामाजिकतेचे विशेष वातावरण निर्माण झाले.
