4k सामाचार
पनवेल दि. ०१ ( वार्ताहर ) : मेडिकव्हर हॉस्पिटलच्या टीमने ४९ वर्षीय दिलारा या महिलेवर झालेल्या अक्यूट रेस्पिरेटरी डिस्ट्रेस सिंड्रोम (ARDS) या जीवघेण्या स्थितीवर यशस्वी उपचार केले. सुरुवातीला फ्लूसारखी लक्षणे असलेली रुग्ण काही दिवसांत गंभीर अवस्थेत पोहोचली आणि तिचे ऑक्सिजन सॅच्युरेशन फक्त ३०% होते.
फुफ्फुस तज्ज्ञ डॉ. शाहिद पटेल आणि इंटेन्सिव्हिस्ट डॉ. अदिती जैन यांच्या नेतृत्वाखाली त्वरित व्हेंटिलेटर सपोर्ट, संसर्ग नियंत्रण आणि सतत मॉनिटरिंग करण्यात आले. श्वास घेण्यास मदत करण्यासाठी ट्रेकिओस्टोमी करण्यात आली आणि दोन आठवड्यांत रुग्णाला व्हेंटिलेटरवरून हटवण्यात यश आले. नंतर फिजिओथेरपी आणि रिहॅबिलिटेशनमुळे रुग्णाची उर्जा व चालण्याची क्षमता पुनर्संचयित झाली. तीन आठवड्यांत पूर्णपणे बरे होऊन दिलारांना डिस्चार्ज देण्यात आले.
