4k News पनवेल (प्रतिनिधी)
परम पूज्यनीय बोधीसत्व भारतरत्न डॉ. बाबासाहेब आंबेडकर यांच्या ६९ व्या महापरिनिर्वाण दिनानिमित्त करंजाडे तसेच पनवेल परिसरात कॅंडल मार्चचे आयोजन करण्यात आले. भारतरत्न डॉ. बाबासाहेब आंबेडकर चौक, सेक्टर ३–अ करंजाडे येथून प्रारंभ झालेला हा कॅंडल मार्च भारतरत्न डॉ. बाबासाहेब आंबेडकर स्मारक, पनवेल येथे येऊन समारोप झाला.
महापरिनिर्वाण दिनानिमित्त डॉ. आंबेडकरांना विनम्र अभिवादन अर्पण करण्यासाठी मोठ्या संख्येने अनुयायी, नागरिक, युवक-युवती तसेच सामाजिक संस्था सहभागी झाल्या.
या कॅंडल मार्चमध्ये भारतीय बौद्ध महासभा विभाग क्र. १४ करंजाडे, प्रबुद्ध सामाजिक संस्था (रजि.) करंजाडे–पनवेल, बौद्धजन पंचायत समिती शाखा क्र. ८६३ करंजाडे, भारतরত्न डॉ. बाबासाहेब आंबेडकर नगर – करंजाडे, तसेच माता रमाई आंबेडकर नगर – वडघर या संस्थांचा विशेष सहभाग होता.
मार्चदरम्यान सहभागी नागरिकांनी संविधान, समता, बंधुता आणि मानवतावादाच्या मूल्यांचा संदेश देत डॉ. आंबेडकरांच्या कार्याचे स्मरण केले. परिसरात शांतता, अनुशासन आणि श्रद्धेचे वातावरण पाहायला मिळाले.
