4kNews
पनवेल, दि. 22 ( वार्ताहर ) : स्वाभिमानी युथ रिपब्लिकन पार्टीचे रायगड जिल्हा अध्यक्ष महेश साळुंखे यांनी नुकतीच पक्षाचे अध्यक्ष सागर भाई संसारे यांची त्यांच्या निवासस्थानी भेट घेतली आणि त्यानंतर पनवेल महानगरपालिकेच्या निवडणुकीविषयी चर्चा केली. त्यांच्या आदेशानुसार पक्षाच्या पनवेल महानगरपालिका हद्दीतील सर्व प्रमुख कार्यकर्त्यांची बैठक रविवार दिनांक 20 डिसेंबर 2025 रोजी महेश साळुंखे यांच्या निवासस्थानी आयोजित करण्यात आलेली आहे.  

पनवेल महानगरपालिकेतील 20 वार्डांमध्ये स्वाभिमानी युथ रिपब्लिकन पक्षाला मानणारे कार्यकर्ते आहेत. या कार्यकर्त्यांची एकत्रित बैठक आयोजित करण्यात आलेली आहे. महेश साळुंखे हे महायुतीच्या त्याचबरोबर महाविकास आघाडीच्या पनवेल महानगरपालिका हद्दीतील ज्येष्ठ कार्यकर्त्यांशी युतीबाबत चर्चा करत आहे.  त्याप्रमाणे कार्यकर्त्यांच्या मनातील भावना जाणून त्यानंतर आपली पक्षाची भूमिका जाहीर करणार आहेत.