4kNews कामोठे दि. 8

पनवेल (प्रतिनिधी)  पनवेल तालुक्यातील धरणा गावामध्ये नाल्यातील गटाराचे पाणी रस्त्यावरून वाहत असल्याने परिसरात दुर्गंधी पसरली होती. यामुळे नागरिकांना मोठ्या प्रमाणात गैरसोय सहन करावी लागत होती. विशेषतः आगामी पावसाळ्याच्या पार्श्वभूमीवर ही समस्या अधिक गंभीर होण्याची शक्यता निर्माण झाली होती. या समस्येची गांभीर्याने दखल घेत ओबीसी सेलचे तालुकाध्यक्ष तथा रोहिंजन ग्रामपंचायतीचे माजी सरपंच नंदकुमार म्हात्रे यांनी संबंधित विभागाकडे सातत्याने पाठपुरावा केला. आणि त्या अनुषंगाने उपाययोजना करण्यात आली. 

यावेळी माजी सरपंच नंदकुमार म्हात्रे यांनी नागरिकांच्या मूलभूत सुविधांशी संबंधित प्रश्न सोडविण्यासाठी प्रशासनाशी समन्वय साधून पुढील काळातही आवश्यक त्या उपाययोजना केल्या जातील, अशी ग्वाही दिली. गावातील स्वच्छता, आरोग्य आणि विकासाच्या दृष्टीने अशा समस्यांचे तातडीने निराकरण करणे ही आपली जबाबदारी असल्याचे त्यांनी सांगितले. या प्रसंगी महानगरपालिकेचे कर्मचारी, सुरेश पोरजी, नेहाल ठाकूर, उमेश मढवी, काथोर मढवी, सूरज पाटील, हनुमान पाटील तसेच ग्रामस्थ मोठ्या संख्येने उपस्थित होते.