4kNews कामोठे दि. 30
*कळंबोली*:  ‘पोलिओ लसीकरण दिना’ निमित्त कळंबोली सेक्टर 10 येथील युपीएचसी सेंटरमध्ये विशेष लसीकरण मोहीम राबविण्यात आली.
या मोहिमेचे उद्घाटन नगरसेविका व आरोग्य समिती अध्यक्षा *सौ. बायजा बबन बारगजे* यांच्या हस्ते करण्यात आले. 

यावेळी सौ. बायजा बारगजे म्हणाल्या, “पोलिओमुक्त भारत घडवण्यासाठी 0 ते 5 वयोगटातील सर्व मुलांना पोलिओची 2 थेंब देणे अत्यंत आवश्यक आहे. पालकांनी आपल्या पाल्यांना पोलिओ लस देण्यास कसलीही हेळसांड करू नये. ही मोहीम यशस्वी करण्यासाठी सर्व नागरिकांनी सहकार्य करावे.”

*उपस्थित मान्यवर*
उद्घाटन प्रसंगी नगरसेवक *रामदास शेवाळे*, भटके विमुक्त मोर्चाचे उत्तर रायगड जिल्हाध्यक्ष *बबन बारगजे*, युपीएचसीचे वैद्यकीय अधिकारी *डॉ. अनिल पाटील* तसेच केंद्रातील इतर डॉक्टर, आरोग्य कर्मचारी व आशा वर्कर्स उपस्थित होत्या.
डॉ. अनिल पाटील यांनी पोलिओ लसीकरणाचे महत्त्व व फायदे पालकांना समजावून सांगितले. युपीएचसी स्टाफने केंद्रात येणाऱ्या सर्व लहान मुलांना पोलिओच्या 2 थेंब पाजल्या.
कार्यक्रमाच्या शेवटी सौ. बायजा बारगजे यांनी आरोग्य कर्मचारी व आशा वर्कर्सच्या मेहनतीचे कौतुक केले. “पोलिओमुक्त कळंबोली” हे आपले ध्येय असल्याचे त्यांनी सांगितले.