सरगम लायन्स तर्फे फडके विद्यालयात नेत्र तपासणी शिबिर
लायन्स क्लब ऑफ पनवेल सरगम तर्फे नुकतेच आयरिस नेत्र रुग्णालय आणि एस पी मोरे कॉलेज ऑफ पॅरामेडिकल सायन्स यांच्या सहकार्याने आद्य क्रांतीवीर वासुदेव बळवंत फडके विद्यालय, नवीन पनवेल येथे मराठी आणि इंग्रजी माध्यमातील प्री प्रायमरी पासून उच्च माध्यमिक वर्गातील सुमारे 1800 विद्यार्थ्यांसाठी नेत्र तपासणी शिबिर घेण्यात आले.

या शिबिरामध्ये डॉ. मानसी मोरे यांच्या मार्गदर्शनाखाली त्यांच्या टीमने नेत्र तपासणी, रंग आंधळेपणा तपासणी सुध्दा करण्यात आली.

दोन दिवस चाललेल्या या शिबिराला प्रांतपाल एन आर परमेश्वरन, जी एस टी चेअरमन विजय गणात्रा, रिजन चेअरमन सुयोग पेंडसे, झोन चेअरमन अल्केश शहा, एक्झिक्युटिव्ह डि. कॅब. सेक्रेटरी संजय गोडसे यांनी भेट दिली.

ज्या मुलांना डोळ्याच्या समस्या जाणवल्या त्यांना डॉ. मानसी मोरे यांनी मार्गदर्शन केले.
हे शिबिर यशस्वी होण्यासाठी सरगम क्लबच्या अध्यक्ष मानदा पंडित, स्वाती गोडसे, संध्या महानुभाव, आदित्य दोशी, मिलिंद जोशी, जयेश मणियार, एस पी मोरे कॉलेज चे सतीश मोरे तसेच फडके विद्यालयाच्या शिक्षक आणि कर्मचारी वर्गाने खूप मेहनत घेतली.