4kNews कामोठे दि. 10
पनवेल (प्रतिनिधी) : भारतीय जनता पार्टी, पनवेलतर्फे गणेशोत्सवानिमित्त ‘बाप्पा मोरया’ घरगुती पर्यावरणपूरक गणपती सजावट स्पर्धेचे आयोजन करण्यात आले आहे. नागरिकांच्या कलागुणांना वाव देतानाच पर्यावरणपूरक गणेशोत्सवाचा संदेश देणे हा स्पर्धेचा उद्देश आहे.
स्पर्धेतील विजेत्यांना एकूण २५ हजार रुपयांपर्यंतची आकर्षक पारितोषिके, तसेच चषक व प्रमाणपत्र देऊन गौरविण्यात येणार आहे. सजावटीसाठी थर्माकोलच्या वस्तूंचा वापर करण्यास सक्त मनाई असून पर्यावरणपूरक साहित्याचा वापर अनिवार्य आहे.
ही स्पर्धा पनवेल शहरातील प्रभाग क्रमांक १४, १८, १९ व २० मधील रहिवाशांसाठी खुली आहे. सहभागी होण्यासाठी १२ सप्टेंबर २०२६पर्यंत नावनोंदणी करणे आवश्यक आहे. नावनोंदणीसाठी QR कोड स्कॅन करावा किंवा ८७६७१४९२०३ या क्रमांकावर संपर्क साधावा. परीक्षकांचा निर्णय अंतिम राहील.
नागरिकांनी मोठ्या संख्येने सहभागी होऊन पर्यावरणपूरक गणेशोत्सव साजरा करावा, असे आवाहन पनवेल महापालिकेचे नगरसेवक तथा माजी सभागृह नेते परेश ठाकूर यांनी केले आहे.
