4k समाचार
पनवेल | कळंबोली सर्कल ते टी पॉईंट दरम्यान रस्त्यावर पडलेल्या मोठ्या खड्ड्यामुळे अवघ्या एका तासात तब्बल ७ ते ८ दुचाकीस्वार कुटुंबासह कोसळले. या अपघातांमुळे परिसरात एकच गोंधळ उडाला.
घटनेची माहिती मिळताच शिवसेना (उद्धव बाळासाहेब ठाकरे गट) चे शिवसैनिक तत्काळ मदतीला धावून गेले. कामोठे शहर संघटक संतोष गोळे, उप शहर प्रमुख गणेश खांडगे, सचिन किंतुकले यांच्यासह स्थानिक नागरिकांनी घटनास्थळी पोहोचून जखमींना मदत केली. तसेच स्थानिक पोलीस व वाहतूक विभागाशी संपर्क साधून खड्ड्याभोवती बॅरिकेड्स लावण्यात आले.
या अपघातामुळे पुन्हा एकदा रस्त्यावरील खड्ड्यांच्या प्रश्नावर संताप व्यक्त होत असून, नागरिकांनी तातडीने दुरुस्तीची मागणी केली आहे.
