4k समाचार
उरण दि 31 (विठ्ठल ममताबादे )अलिबाग नेहुली येथे जिल्हास्तरीय शालेय कराटे स्पर्धा संपन्न झाल्या. त्यामध्ये उरण तालुक्यातील गोशीन रियु कराटे असोसिएशनच्या विद्यार्थ्यांनी नेत्र दीपक कामगिरी केली.या स्पर्धा विविध वजनी गटामध्ये खेळवल्या गेल्या. त्यामध्ये १९ वर्षाखालील विघ्नेश विशाल पाटील याने प्रथम क्रमांक, १७ वर्षाखालील वैदेही योगेश घरत प्रथम क्रमांक,तंमीर इसाक आली शहा प्रथम क्रमांक पटकाविले.
या विद्यार्थ्यांची निवड विभागीय कराटे स्पर्धेमध्ये झाली आहे. तसेच १४ वर्षाखालील गटात सोज्वल याने तृतीय क्रमांक तर तनुज गावंड यांनी द्वितीय क्रमांक पटकावला. या विद्यार्थ्यांना गोपाल दिनकर म्हात्रे, सिहान राजू कोळी, परेश पावसकर, अमिता घरत, राकेश म्हात्रे यांनी मार्गदर्शन केले.सदर या स्पर्धेचे आयोजन जिल्हा क्रीडा अधिकारी व सीहाण राहुल तावडे कराटे ऑर्गनायझेशन रायगड जिल्हा यांनी केले होते.
