4k News कामोठे
जसखार ग्रामपंचायत सदस्य हेमंत ठाकूर यांचे सदस्यत्व रद्द
उरण, दि. 23 (विठ्ठल ममताबादे) : जसखार ग्रामपंचायतीचे सदस्य हेमंत ठाकूर यांना सदस्यपदी राहण्यास अपात्र ठरविण्याचा निर्णय ठाणे जिल्हाधिकारी डॉ. श्रीकृष्ण पांचाळ यांनी २४ सप्टेंबर २०२६ रोजी दिला. या निर्णयामुळे गेल्या सहा वर्षांपासून सुरू असलेल्या प्रकरणात रत्नाकर म्हात्रे यांच्या तक्रारीला यश मिळाले आहे.

जसखार येथील सार्वजनिक जागेवर अतिक्रमण केल्याचा आरोप करत रत्नाकर म्हात्रे यांनी सुमारे सहा वर्षांपूर्वी हेमंत ठाकूर यांच्याविरोधात तक्रार दाखल केली होती. यासंदर्भात त्यांनी रायगड जिल्हाधिकारी कार्यालयासह विविध शासकीय यंत्रणांकडे पाठपुरावा केला होता. अखेर या प्रकरणावर निर्णय देताना जिल्हाधिकाऱ्यांनी हेमंत ठाकूर यांना ग्रामपंचायत सदस्यपदी राहण्यास अपात्र ठरविले.