4k समाचार दि. 27
पिंपरी-चिंचवड :
भोसरी मतदारसंघात भाजपचे आमदार महेश लांडगे यांचे वर्चस्व कायम असले तरी आगामी महापालिका निवडणुकीत राष्ट्रवादी काँग्रेस (अजित पवार गट) त्यांना मोठे आव्हान देऊ शकते.
2017 च्या आराखड्यानुसार 13 प्रभाग ‘जैसे थे’ ठेवण्यात आले असून, यामध्ये भाजपकडे सर्वाधिक नगरसेवक आहेत. मात्र, गेल्या काही काळात भाजपचे आठ नगरसेवक पक्षांतर करून बाहेर पडल्याने पक्षाला नवीन उमेदवार शोधावे लागणार आहेत.
दरम्यान, राष्ट्रवादी काँग्रेसचे अजित गव्हाणे पुन्हा एकदा मैदानात उतरण्याची शक्यता वर्तवली जात आहे. लांडगे आणि गव्हाणे यांच्यातील कटुता कायम असल्याने यंदा भोसरीत भाजप व राष्ट्रवादी (अजित पवार गट) यांच्यात थेट लढत होणार असल्याचे चित्र दिसत आहे.
या लढतीत महेश लांडगे यांचा कस लागणार असून, भोसरीतील राजकीय रंगत अधिक चुरशीची होण्याची शक्यता आहे.
